კონდომ დისპენსერები თბილისში
პროექტის იდეა
პროექტის იდეა დაიბადა კვლევის საფუძველზე, რომელმაც ცხადყო, რომ თავდაცვის საშუალების შეძენის დროს ახალგაზრდა ადამიანები, განსაკუთრებით გოგონები, ხშირად ხდებოდნენ უსიამოვნო მზერის თუ გამოხედვის ობიექტი. შესაბამისად, გამოიკვეთა იმის აუცილებლობა, რომ ახალგაზრდებისთვის მოგვეშალა მგავსი ტიპის წინაღობები და თითოუელი მათგანისთვის გაგვემარტივებინა სექსუალური გზით გადამდები დაავადებებისგან თავდაცვის საშუალებების შეძენის გზები.
პროექტის აღწერა
პროექტი ითვალისწინებს თბილისის მასშტაბით, სხვადასხვა კერძო სივრცეებში, კონდომ დისპენსერების დაყენებას. კონდომატები თბილისის ახალგაზრდებს საშუალებას მისცემს, ჰქონდეთ სწრაფი, იაფი და პირდაპირი წვდომა ბარიერული თავდაცვის საშუალებებზე (ე.წ. კონდომებზე).
პროექტიხ არა-მომგებიანი ხასიათის გამო, თითოეული კონდომი ღირს მხოლოდ 50 თეთრი.
პროექტის მიზნები
ჩვენი ორგანიზაციის მთავარი ამოცანა ახალგაზრდების გაძლიერებაა. ვცდილობთ, თითოეულმა ადამიანმა იცოდეს, რომ როდესაც საქმე ეხება ჯანმრთელობას და ჯანსაღი ცხოვრების წესს, მას აქვს სრული არჩევანის თავისუფლება დაიცვას თავი აივ თუ სხვა ინფექციებისგან.
პროექტი ასევე ითვალისწინებს თბილისში დღემდე ტაბუირებულ სექსუალური განათლების თემას და ცდილობს, ამ კუთხით, რაც შეიძლება მეტი ინფორმაცია მიაწოდოს თბილისის ახალგაზრდებს:
- კონდომატის ზედაპირი ილუსტრაციის საშუალებით ზრუნავს, წაახალისოს ადამიანები დაიცვან საკუთარი თავი და ჩაიტარონ გამოკვლევა სხვადასხვა ინფექციებზე. კონდომატის მეშვეობით ახალგაზრდებს ასევე აქვთ საშუალება, გაიგონ იმ ადგილების შესახებ, სადაც შეეძლებათ აივ ინფექციაზე უფასო ტესტირების ჩატარება
- თითოეულ კონდომს თან ახლავს სტიკერი, ინფორმაციული ქონთენთით უსაფრთხო სექსუალური კავშირის, სქესობრივი ინფექციების ა.შ შესახებ
დისპენსერები, ისევე როგორც კონდომები, მოწოდებულია ესპანეთიდან. მათ აქვთ ISO ხარისხის სტანდარტის სერტიფიცირება.
